من الوصايا الحمر

يا صاحب الجنة وفي جيبك تصاريح الدخول
فرق على اخوانك
وعش معاهم في هنا و سرور
قول لهم زي عادتك
اللي ما يمشي في ركابنا
مش تبعنــــا
واحرقوهم مش حننـــدم
دقوا للحرب الطبول

دمروا كل العمار ..
كلهم أوطى نفوس
فجروا حتى النهار
دوس عليهم أيوا دوس
اقتلوهم حتى لو كانوا صيام
أو في صلاة الفجر أو حتى القيام
واوعى تنسى الدور على النائب هشام
قبل ما ننسى خد نصيبك يا أمير
خبي في جيبك فلوسك دول كتير
في سبيل الحكم ما نعرف عفاف
دي عقيدة حتى لو كان
بيفضحــــها الفعـــال !
المهم الكرسي دا منصب كبير
في سبيل الحكم ما نعرف سلام
نقتل ونهدم وفي ثواني
يخفينا الظلام !!
بالسلامة روح شهيد !
*
دي تصاريح الدخول
راح يقابلك في جنة الخلد الرسول
والملايكة راح يقولولك سلام
عشت يا ابن الأكرمين
**
محمود السيد البسيوني ..29 يونية 2015